اكيد انا مش اقصد ان الانسان بيفقد البطاقة الشخصية بتاعتو
او انو بيفقد بطاقة الرقم القومى
انا اقصد ان الانسان يحس انو تايه جوة نفسو مش عارف هو كدة صح ولا غلط
مش عارف هو دة زمانو ولا هو اللى جاى ف زمن غلط
مش عارف هى تصرفاتو دى نوع من انواع المثالية ولا هو اللى بيتصرف كدة عشان خاطر دى طبيعتو ولا هى منظرة قدام العالم مبسوط بيها
يعنى الواحد لما يخدم حد وهو مش عاوز حاجة منه قدام نفسو بيقول انا كدة وخدمته لوجه الله
يسمع ناس تانية بتقول دة غاوى منظرة
وناس تالتة تقول دة عبيط هو فى حد بيعمل كدة ف الزمن دة
كل اللى باقى ليا سؤال
انا كدة صح ولا غلط
اكمل ولا اغير نفسى وابقى حاجة تانية
لو اتغيرت هلاقى نفسى ولا هتتوه منى
الاشتراك في:
تعليقات الرسالة (Atom)
هناك 4 تعليقات:
والله انا زيك مش عارف ومش انا ولاانتى بس فى ناس كتير كده حتى فى ناس بتعيش الوهم انها كده هى كمان ماعلينا بس عامه مش لوحدك الى بيحس انه فقد الهويه ومش عارف يقدر يحكم على تصرفاته اذا كانت صح او غلط طبعا لاختلاف الفظيع فى معايير المجتمع دلوقتى بس انا اقلك اقعدى مع نفسك واحسبيها اذا كان اى تصرف هو ده الطبيعى بين الناس هو ده الصح وهو ده المفروض الى يكون حتى لو فى حد شافه غلط ولما توصلى وتقتنعى من جواكى ان ده هو الصح ساعتها بس هتقدرى تستحملى عواقب تصرفاتك واحنا ممكن نفقد اى حاجه وتتعوض الا نظرتنا لنفسنا يوم ماتقل يبقى خسرنا كل حاجه
نفر تل
اكيد كلامك صح ونصيحة كويسة اوى اشكرك عليها لكن للاسف الواحد اوقات بيشوف حاجات بيعملها الناس وبتكون عادية بالنسبة ليهم لكنها غلط اصلا وهو مش مقتنع بيها ،، معاك حق اكيد ف ان نظرة الانسان لنفسة لازم تكون هى الحاجة الوحيدة اللى محافظ عليها
اكيد معاكى حق وساعات ده بيحبط جداان تشوفى حاجه مش مقتنع بيها ومتأكده انها غلط والناس تشوفها عادى والى يحبط اكثر العكس انك تعملى حاجه صح الناس تشوفها غلط والى يحبط اكتر واكتر ان ساعات بتكونى مرغمه انك تسايرى ده فى بعض الاوقات بس عامه مهما حصل المهم الى انتى مؤمنه بيه والاهم انه يكون طبعا صح ولو انتبهنا فى كل تصرف نعمله حكم الناس عليه هيبقى صعب مش بقول نعيش لوحدنا او فى عالم تانى بس دور حكم الناس مهم جدا بس يكون نسبته فى حياتنا قليلة مش نغالى فيه يالهوى على الرغى الكتير هههههه ملعش طولت بس موضوع مهم والله ويهم ناس كتير ودى صورةهدية ليها علاقه بالموضوع على فكره
http://i35.tinypic.com/f9e4cm.jpg
نفر تل
أهلا بيك مرة تانية وانا معاك ف كل كلمة ان الانسان مش لازم يحط ف حياتو مكان كبير لكلام الناس وزى ما قولت اهم حاجتين هما الاقتناع وكمان انو التصرف يكون صح ....... شكرا جدا جدا ع الصورة تسلم ايدك
إرسال تعليق