سيبكو من العنوان خلينا نتكلم بالبلدى
إذا كان الواحد عطشان فبيجرى على اقرب إزازة ويشرب ويروى عطشو
واكيد مفيش احسن من الماية عشان تروى عطشنا
محدش فينا فكر ولا مرة يسأل نفسو طيب لما الماية بتعطش بتعمل ايه هتروح فين عشان تروى عطشها
اكيد دة مش الموضوع اللى انا عاوزة اكلمكو فيه <<< دة بس مثال اوضح بيه اللى اقولو
تخيل انك كل ماتضايق تروح لواحد صاحبك وتحكيلو كل حاجة مضيقاك وهو كل مرة يحل معاك المشكلة وميسيباكش غير وانت مبسوط وفرحان وضحكتك واكلة نص وشك
ولا مرة صاحبك جة مكشر ف وشك ولا قالك ان فى حاجة مضيقاه
ياترى صاحبك دة اللى مش بيحاول يزعلك باى طريقة لدرجة انو بيدارى عليك زعلو
لما يعطش << قصدى لما يزعل يعمل ايه
ياريت تفكر وتقولى اصل السؤال حيرنى
الاشتراك في:
تعليقات الرسالة (Atom)
هناك 4 تعليقات:
امممم تقريبا لو فرض ان مفيش حاجه مضايقاه مستحيل طبعا كل واحد فينا عنده الى بيضايقه وبيخنقه حتى لو مشاكل صغيره او تافهه بتبقى فى نظره مشكله وممكن يتخيل انها اكبر مشكله فى العالم كل واحد فينا اكيد نظرته لمشاكله عمرها ماكانت صغيره محدش معندوش مشكله
فى الفرض التانى ناس كتير مش بتحب تحكى الى على الى فى قلبها وبتكتفى بالى جواها لنفسها لااكثر من سبب مش عاوز يضايق الى قدامه او مش عاوز يحكى علشان ممكن يظهر بمظهر ضعف ويلاقى فى عين الى قدامه نظره ياحرام دى بتكون صعبه اوى الى نظهر جانب مننا ضعيف وممكن تكون الناس عرفته بشخصيه معينه زى مثلا الى مبتسم على طول وبيضحك وتسمعى صوت ضحكته من اخر الدنيا الناس عرفت عنه كده واخدت عنه الانطباع ده ان مفيش حاجه فى دماغه والى حوليه اتعود عليه كده اكيد هيتردد يوم مايفكر يحكى حاجه تضايق عامه الى بيتحتفظ الى مضايقه فى نفسه بيكون ليه اكتر من سبب
وممكن يكون فعلا بيقول لحد مش لازم يكون نفس الشخص الى بيجى يحكيله مشاكله ممكن يكون شخص تانى اقرب منه زى عيلته او خطيبته او مراته بس عامه تقريبا بيكون الغالب العلاقه متبادله ياعنى الى بحكى ليه الى مضايقنى اكيد بيكون اعز اصحابى وبدل انه اعز اصحابى اكيد انا كمان اعز اصحابه وزى انا لما بكون مضايق بلجأ ليه هو كمان بيلجأ ليه
عامه الحلو فى الموضوع ان فى حد لسه بيسمع بجد ويهمه المشكله وبيسمعها انها تعنيه مش بيسمع وخلاص تسديد خانه وتقريبا ده بقى قليل اوى الى نلاقى حد يسمع وهو فعلا همه امرك وخايف عليك ياعنى الناس بطلت تسمع بعض لظروف كتير
واى علاقه فى الدنيا لو فيها حد بيسمع العلاقه دى بتقرب اكتر واكتر السمع هو الى بيقربها ويقويها الاول بيحس انه ليه صديق بجد واقف جنبه وهمه مشاكله والتانى بيحس نفس الاحساس انه ليه صديق ائتمنه على سره وانه اول مافكر يقول على الى مضايق لجأ ليه واداله كل الثقه اكيد العلاقه بتقوى
زى الحب كده بكل انواعه بين الاشخاص احنا بنحب علشان السمع ده ياعنى لو حبيت شخص صديق او حبيب او اى نوع مش بحبه علشان شكله الخارجى عامل ازاى اكيد بتأثر طبعا بس بنسبه قليله بنحبه علشان شخصيته وشخصيته دى هو بيعاكسها لينا عن طريق تصرفاته وكلامه الى احنا بنسمعه وبنقيمه وبناخد انطباع منه على الانسان ده
ههههههههههههههههه يالهوى لكيت كتير معلش
never tell
نورت الموضوع بردك تسلم على كل الكلام اللى قولتو وانا معاك بالذات ف ((وممكن تكون الناس عرفته بشخصيه معينه زى مثلا الى مبتسم على طول وبيضحك وتسمعى صوت ضحكته من اخر الدنيا الناس عرفت عنه كده واخدت عنه الانطباع ده ان مفيش حاجه فى دماغه والى حوليه اتعود عليه كده اكيد هيتردد يوم مايفكر يحكى حاجه تضايق عامه الى بيتحتفظ الى مضايقه فى نفسه بيكون ليه اكتر من سبب
))
فعلا كل الناس ف الغالب بتكون كدة
واللى بيضايق ان الناس مبتفكرش تسأل طالما شايفين ابتسامة ع الوش مش مهم ف القلب ايه
ايمى هكلمك بصراحه جدا
بصى انا من النوع اللى بسمع بس يعنى مبحكيش حتى مع صديقتى الانتيم
مش عارفه ليه
بس ممكن تعود
بس دلوقتى انا لقيت اخت وصديقه بصراحه تعباها معايا متعلمتش اتكلم واحكى الا معاها
ربنا يخليهالى ونفضل مع بعض طول العمر
قولى امين يا بت
هههههههه
never tell
انا موافقاك فى كلامك
وبالذات فى الجزء ده
زى الحب كده بكل انواعه بين الاشخاص احنا بنحب علشان السمع ده ياعنى لو حبيت شخص صديق او حبيب او اى نوع مش بحبه علشان شكله الخارجى عامل ازاى اكيد بتأثر طبعا بس بنسبه قليله بنحبه علشان شخصيته وشخصيته دى هو بيعاكسها لينا عن طريق تصرفاته وكلامه الى احنا بنسمعه وبنقيمه وبناخد انطباع منه على الانسان ده
اما حكايه
ان لازم اللى اسمعله يكون فى تبادل ويكون هو الشخص اللى بحكيله
مش معاك فى دى
بدليل المثال اللى انا قلتله فى الاول
انا بسمع للكل
وصديقتى الانتيم بثق فيها جدا وبحبها جداوبتحكيلى على كل حاجه بس انا لا
اللى بحكيله هى صديقتى الانتيم بس مش اللى جنبى اللى فى قلبى
تسلمى يا ايمى على الموضوع الجميل ده
ايمى فعلا معاكى حق فى ده ان المعظم كده مش بيسأل ممكن علشان شايفين الابتسامه على طول علشان كده بيغيب عليهم احساسك وحالتك بس اكيد لو ليكى حد قريب منك اوى اوى اكيد هتلاقيه بيسأل حتى لو انتى راسمه الابتسامه دى
دمعه حائره اكيد معاكى فى ده مش لازم يكون نفس الشخص وده قلته فى ردى السابق ((وممكن يكون فعلا بيقول لحد مش لازم يكون نفس الشخص الى بيجى يحكيله مشاكله ممكن يكون شخص تانى اقرب منه زى عيلته او خطيبته او مراته بس عامه تقريبا بيكون الغالب العلاقه متبادله ياعنى الى بحكى ليه الى مضايقنى اكيد بيكون اعز اصحابى وبدل انه اعز اصحابى اكيد انا كمان اعز اصحابه وزى انا لما بكون مضايق بلجأ ليه هو كمان بيلجأ ليه ))
فعلا زى ماقلتى بالظبط ((اللى بحكيله هى صديقتى الانتيم بس مش اللى جنبى اللى فى قلبى ))
إرسال تعليق